من قدرى انه قابلت واحد فى القطار و كلمنى فى موضوع الاخلاق و القانون وده جزء من كلامه
و كان كلامه كالتالى : اننا مش عندنا قانون و مع ذلك نطالب الناس انهم يكونوا عندهم اخلاق
مع ان القانون هو الحد الادنى للاخلاق عشان الدنيا تمشى لازم احط ضوابط على اسس اخلاقيه
يعنى ببساطة كيف نطالب الناس الحاجة الكبيرة و هى الاخلاق و هو مفيش حد ادنى منه !!
و هو القانون
و ده كان تفكيرى ساعة ما كان بيكلمنى
تصور انك تقول لواحد فقير جدا انت المفروض تدفع من فلوسك 10الف جنينه عشان مصر تبقى احسن
قول لى ازاى يدفع الفلوس ده وهو اساسا مش قادر يجيب الف جنيه!!
هو ده بالظبط لما تطلب من حد يكون عنده اخلاق و هو مفيش اللى ادنى منه و هو القانون
القانون الغائب عن الدولة الكريمة المسماة مصر
كيف تطالب بواحد ياخد رشوى انه يكون عنده اخلاق
كيف تطالب بواحد بيعذب ناس انه يكون عنده اخلاق
كيف تطالب واحد حرامى انه يكون عنده اخلاق
كيف تطالب واحد محتكر انه يكون عنده اخلاق
انت كدة بتعمل معاه زى ما عملت مع الفقير اللى بتطلب منه 10 الف جنيه
القانون الحد الادنى للاخلاق
Posted by
Diab
Thursday 11 March 2010
2 comments:
Good Post but......
انا شايف ان الاخلاق حاجه تنبع من الفرد
من تدينه من تربيته ومن مجتمعه اللى عايش فيه
القانون اولا واخيرا اللى وضعوه افراد
انا وانتا وغيرنا مسؤلين اننا نعدله وقومه لو سيء
حاله الفسادالعام اللى احنا عايشينه ما هى الا انعكاس
لأخلاق الافراد كل واحد بيلقى اللوم على غيره
أبدا بنفسك اولا
قال تعالى : " إن الله لا يغير ما بقوم حتىيغيروا ما بأنفسهم "
رد كويس بس
اللى انا قصدى به انه لو 10 % من الناس عندهم اخلاق و على فكرة ده نسبة كبيرة يبقى المفروض ال90 يتحكموا بالحد الادنى و هو القانون
انا لما باتكلم عن القانون مش قصدى القانون الموضوع من الناس لانه فى اخطاء و لكن القانون الاسلامى
Post a Comment